Ny antom-pisiako - ny eja

Azo vakiana?

Ny antom-pisiako


Raha toa nisy ianao
Dia izay no antom-pisiako
Ny soritr'endrikao
Ny bikanao tontolo
Dia tsapako fa tiako
Ny teny nomenao
Hantreny ambony fiara
Narahiko finoana
S'ilay tsiambarambara
Izay nifamatorantsika
Toa sarotra hadinoina

Matoa ianao nisy
Ka nitantana ny diako
Dia fantaro mihitsy
R'ilay olo-tiako
Tsy maintsy itodiako
Ny tananao tsaroako
Namihina ny tanako
Iainako isan'ora
Fa vahatra ifaharako
Ny fotoana rehetra
Izay nahalalako anao
Namaritra maraina
Nitondra fifaliana
Sy hery aina vaovao
Mampifandringotr'aina.

Ny Eja 2005 (nalaina tao @boky " Rêve inédit")

Hevitra mandeha

sitrakaanja (11/08/2015 10:00:15)

Tena mahafinaritra tompoko o

Mombamomba

Mpanoratra : ny eja

Nampiditra : tslem
Daty : 12/04/2012
Mpamangy : 12423
Mankafy : 1

Tononkalo hafa

Lasanao
MASIAKA IANAO RY FIARAHAMONINA
Fanahy Mendrika
Setrin'ilay fitia natolotra
Ho an'ny Hafa indray
Ilay fitiavako
IANAO
LAZAO IZY
Ny Voady omeko anao
Fitia niova loko