Fitia niova loko (ny eja)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha toa ka niova loko,
nanjary antra sisa
ilay fitiavanao,
hionona ny foko
miangavy aho avelao.
Dia avelao hangina
hamafa ny alaheloko,
hanjombona sy gina
ilay masoandro keliko.

Raha fombafomba sisa
tsy vokatry ny fo,
ilay fiarahantsika
izay manga teo aloha.
Dia avelao hisaona
ny anaranao aho ry aiko
fa ny miangavy foana
tsy ho vitako, tsy haiko!.

Dia avelao, ho kotsan-dranomaso
manjahatra fa ory
avelao hangaina,
aleo aho hiari-pery
ny lalanao no zory.
Dia aza miasa saina
Raha anio anie aho tomany
aleo fa zakako ihany.
Ny ho avy no andrandraiko
fahanginana no ilaiko.


Ny Eja
--------
Rohy:
Sokajy : Alahelo
8215 4
Hevitra mandeha
pissoa ( 29/12/2005 08:05)
Toy ny tononkalonao efa no vakiako rehetra, dia tsara ity tononkalo ity. Ny hevitra omeny koa mifono herintsaina, tsy fitiavan-tena.

Niezaka naneho hevitra aho tao @ forum, dia averiko eto ilay tonokalo.
pissoa ( 29/12/2005 08:06)
Oops - aleo kay atambatra ao amin'ilay iray efa nisy nanome isa.
fiaritiana ( 07/01/2006 09:44)
tena tsara tokoa ity tononkalo ity ary raha mbola nisy isa mihoatra ny 5 aza dé mbola nanome aho
ehhhhh!
nyeja ( 10/01/2006 15:00)
misaotra akia fiaritiana sy pissoa a Ny Eja namanareo
loloniary ( 16/01/2006 07:49)
aleo mangina tokoa, nefa tsy faharesena koa zany.
mifampitohy hevitra @ tonokalo nosoratako ity tonokalonao ity
nyeja ( 16/01/2006 10:50)
zany ve aiza moa ilay tononkalonao ?misaotra manome hevitra loloniary a
lapino ( 22/01/2006 09:27)
Za koa efa nanome ny hevitro ao amin'ny forum. Tsara ilay tononkalo, ary isan'ny tena mahatsara azy dia izy mitaratra ny fandraisan'ny olona maro ny fitiavana sy ny fiarahana.
nyeja ( 02/01/2007 10:45)
Misaotra lapino a fa dia voarainao ilay hafatry ny mpanoratra .
rabiazazotoavina ( 02/08/2016 09:10)
tsara be mihintsy le tononkalo fa efa ela nga enw no nanortra
Hametraka hevitra
Midira aloha
Momba ny tononkalo
Mpanoratra : ny eja
Nampiditra : nyeja
Daty : 20/12/2005 14:48
Antsantononkalo

Mbola tsisy niantsa

Hangataka antsa
© Eugene Heriniaina - serasera.org 1999 - 2023 - page load 0.0184