Tiako ny eo anilanao - ny eja

Azo vakiana?

TIAKO  NY  EO  ANILANAO

Tsy  mitady  ny hoe:
   "tsy  maintsy  ho tiavinao"
Tsy  manantena   koa ny  hoe:
   "tsy  maintsy   ho ilay  voafidinao",
fa ny  azoko  ambara
sy  ny  azoko lazaina:

"tiako  ny  eo  anilanao"
saingy  tsy  azoko  dradraina !.

Tsy   manantena  na mikiry
na dia tsapako  indraindray,
fa kihon-dalana  impiry,
izay  voasedratsika izay,

nefa...

tsotra ny  fiteniko,
ary  inoako  fa tsy  ho  neniko
Eny   mbola antitranteriko,
ilay  teny  tsotra fantatrao:
"Tiako  ny  eo  anilanao"

Ny  Eja  
25 juillet  2004

Hevitra mandeha

bitaka (15/08/2004 10:48:42)

izaho koa te ho eo anilany raha toa ka mety izy
tsy an-tery anefa fa safidy
fa an'Andriamanitra ny didy.
R.JO

rmbary (18/08/2004 13:25:57)

tsara sady milay
tohizo
bary

tsikikely (19/08/2004 13:53:21)

Tsara ilay tononkalo; fa izao e, tsy miafy be ve ilay tia ? Miari-pery, somary "masochiste" hoy ny fiteny vazaha ? Hevitra aloha ny ahy é, fa na izany tsara ilay tononkalo.

nyeja (22/08/2004 07:48:04)

misaotra an'i tsikikely, i rmbary , ary i bitaka nanome hevitra ny tononkalo , mankahery ahy ny hafatrareo ka mankasitraka hatrany .
ny eja

nyeja (28/08/2004 12:55:06)

ny tononkalo ry tsikikely dia matetika mety any aminareo mpamaky indray mahita ny tohiny , fa ny anay mpanoratra dia mamoaka ny aingam-panahy , mety maro manko ny fijerin'ny mpamaky azy fa azo lazaina aloha fa marina ihany ny fijerinao iny e !

crrlanto (22/11/2004 19:15:14)

ny fitiavana rey olona
rehefa mby ka mamololona
dia mirehitra aok,izany
toy ny hoe tsy eto an_tany
ilay tiana amin,izany
toy ny hoe zanahary
ka na hoe mandratra aza
dia ankafizina eny ihany
__________________
Hoan,nyeja, tandremo sao be sentiment loatra an .Tsara ilay tononkalo

endrehina (14/04/2007 06:40:27)

mankasitraka tanteraka an'i ny eja aho satria maro ny mafy efa nodiavina fa anisan'ny mpampahery ahy ny tononkalona na tsy sehatry ny fitiavana aza fa ny fiainana @ ankapobeny mihitsy misaotra an' i ny eja

Mombamomba

Mpanoratra : ny eja

Nampiditra : nyeja
Daty : 25/07/2004
Mpamangy : 3577
Mankafy : 3

Tononkalo hafa

Ny antom-pisiako
Lasanao
MASIAKA IANAO RY FIARAHAMONINA
Fanahy Mendrika
Setrin'ilay fitia natolotra
Ho an'ny Hafa indray
Ilay fitiavako
IANAO
LAZAO IZY
Ny Voady omeko anao