Ilay zaridaina (Ny Kanto)
Mbola tsisy niantsa
(Nalaina tao amin'ny vetso.serasera.org)
Ilay ZaridainaTeto aho no nandalo
Nisento nitomany
Nitady fanavaozana
Niandry lohataoana
Hibanjina hatsarana
Hanadino sy hamalona
Hikosoka ny lasa
…
Nantenaiko izany
Hanolatra ny fery
Hamafa ny tomany
Hanasitrana fijery
Nentiko eto ho sitranina
Mba hahitako fifaliana
Hiainako ilay fitsaharana
…
Toa lasa fitahiana
Ny hatsiakan’ny ririnina
Nanamaloka ny saha
Sy ireo voninkazo sahy
Nihomehy ny foko
Malahelo mitaraina
Lavo teto an-jaridaina
Ny Kanto. Lavo. Agropolis, 25 febroary, 11h54
--------
Rohy:
Sokajy :
Fitiavana