Landihazo (Ny Kanto)

Atolotro ho an'i Ny...

Landihazo

Herintaona tsy nalazo
No nijoroan’ilay fitia
Herintaoana landihazo
Toa mareforefo akia

Ireo vanin-taona efatra
Nosedraina nolalovana
Tsy misy afa-tsy ‘miresaka’
No hany tokana ala-olana

Taona maro eo anoloana
Ireo no hanjary volamena
Ny landihazon’ny fotoana
Tokin’ny fitiavana nomena

Ny landihazo no isalorana
Raha mafana na manorana
Koa raha manitsy ny ririnina
Ho eo foana aho ho fihinina

Herintaona raha zaza
Vao mianatra mamindra
Vao miteny badabada

Herintaoana raha fitia
Nianatra nifankahala
Mifandefitra, mitia

Ny Kanto, Quai St. Bernard. Parisy martsa 2005
--------