Ndao hamorona - Ny Kanto

Azo vakiana?

Mba atongilano kely hoe ny sofinao Ramalagasy
Inty ny tsetsatsetra tsy aritro, maniry mba hitafa:
- F’efa lasa faharazaranao va re
Ny mitanisa fahoriana marobe ?

F’aiza izay natao hisakanana an’izany ?
Toa ‘zay manao ihany no finganina ho lavo
Sady arahin’eson-teny : “ Efa hevitro izany”
Ny tsy nahavita indray no tsy faly, no tsy ravo

…

Ndao avela “ny alahelo olona tafita,
Ny ory hava-manana, ny mialona ny vita”.
Fa tena hiara-hikatsaka ny tsara sy ny soa
“Tsy maintsy ho tafarina” no masahana ao an-doha

Ndao hamorona isika, hiara-hiezaka hikaroka
Ny fahalalana koa velomy, ampiasaina tsy ho vasoka.
Enjeho ireo hevitra rehetra, tontosao ho zava-bita
Amin’izay i Gasikara, hisongadina sy ho hita

Mifohaza re ianao !!! tena ialao ny torimaso
Ny ‘moramora’ ovao ho ‘tsy misy andraso andraso’
Ireo sakana rehetra, raiso ireny ho fanoitra
Dia tsy kivy fa rahampitso, hisy andro mibaliaka.

Ny Kanto. Seranam-piaramanidina Roissy Charles de Gaulle. 2004-09-16.

Hevitra mandeha

andriary (16/09/2004 14:21:44)

...tsy maintsy ho tafarina isika ary efa mifoha!Ny eto an-toerana manao izay azo atao,'nareo any ivelany tsy miraviravy tanana....dia handroso 'Gasikara!misaotra ry Kanto a!

andriary (16/09/2004 14:21:49)

...tsy maintsy ho tafarina isika ary efa mifoha!Ny eto an-toerana manao izay azo atao,'nareo any ivelany tsy miraviravy tanana....dia handroso 'Gasikara!misaotra ry Kanto a!

bichette (17/09/2004 09:30:47)

Lasa izao !!!!!!!!!!

yonikafopl (24/09/2004 16:01:30)

lasa zao raha tsy mibolisatra indray

Hametraka hevitra

Midira aloha

Mombamomba

Mpanoratra : Ny Kanto

Nampiditra : NyKanto
Daty : 16/09/2004
Mpamangy : 778
Mankafy : 0

Tononkalo hafa

Tsy Manahy
MAVESATRA
Mihelina
Maty ilay tantely
Kalo anaty haizina
Fiofona
11-septambra
Ny Fahatsarana
Mpitazana-tazanina
Iarivo Mitomany