You are here: home > Vetso

Zanak'andriamanitra - Ny Kanto

Azo vakiana?

Andriamanitra ô,
Tsy takatry ny saiko
Nefa ekeko tsotra izao :
Hay ianao dia “Raiko”
Andriamanitra ô,
Ilay Fanahy masinao
Manangana ahy ho zanakao
No nampidirinao,
Hitoetra anatiko ao.
Koa isaorako tokoa,
Fa mampifaly fo
Ny mandre hoe sitrakao
Sy zanaka malalanao.
Aoka izao fiovana izao
Hitohy hatrany hatrany .
Tefeo sy hamasino,
Ho voninahitrao irery ihany.

“Raiko” ô
Mba ampianaro ahy
Ny tena hevitry ny teny,
Manomboka eto an-tany,
Hoe “ Zanakao” izany. Amen.

Ny Kanto. novambra 2004.

Sokajy : Vavaka

Hevitra mandeha

Miarantsoa (24/11/2004 17:47:46)

Sambatra izay manana an' Andriamanitra ho tokiny !
Namako koa izay tia an' Andriamanitra!
Mahereza ry Ny Kanto; indrindra amin'ny fanarahan-dia ny Tompo!

NyKanto (24/11/2004 18:23:02)

Namako izany ianao...
Misaotra nampahery e!
Ny Kanto

bichette (24/11/2004 19:26:47)

Ray o henoy ny vavaky nykanto

vetsoko (13/12/2004 18:35:28)

aty an-tany lavitra aty za raha tsy nisy an'Andriamanitra dia efa very,misaotra mapatsiahy fa hay izaho zanany

Hametraka hevitra

Midira aloha