Ilaina ianao (Pharaon)

Maro be ireo zavatra efa vitantsika teny
tsy vitsy koa ny mbola hatrehantsika eny
dia ianao no ilaina hijoro, ho toky hantenaina
ho hery velona henti-mihetsika ampiasaina

Na ho tojo ny mora na ho sendra ny sarotra
ilaina avy hatrany ianao ho eo hanavotra
ho namana tsy handao mandrakariva fa hiaraha-miaina
ho andry anteherana, hikarakara sy hanolo-tsaina

Na handrakotra ny halahelo na hiserana ny hafaliana
ilaina ianao fa havana, voasokajy ho olon-tiana
hamaha sy hanamaivana ireo olana maro
hampifaly ahy izay koa no mba saino sy fantaro

N'inona n'inona izay hiseho sy hitranga
ilaina hatrany hatrany ianao fa olo-manga
hanala fahanginana, hanome endrika ny ao an-tanana
hikalo, hizara zava-kanto maro mahatamana
--------