Tsy foy (Randja)

Efa ianao no safidy hatrizay
niaraha-miana, niaraha-mitoetra
nahazatra ahy ianao, efa hay
tsara bika tokoa, mamiko toetra

Na mafy aza ny onjam-piainana
nosedraintsikaroa hatramin'izao
tebiteby lava, mikontana ny fisainana
na nisy izany, tsy foiko ianao

Teo ny androm-pifaliana, tena mamiko indrindra
niarahana nanatrika, samy nankafy
izaho sy ianao iray lalana, niaraka namindra
nizara ny soa sy ny mamy, nifanolotra fitia

Na ny mafy indrindra aza no miseho
hiafiko fa tiako loatra ianao
izaho efa nivonona ho anao rahateo
satria mamiko ny fiarahana toy izao
--------