Ny zanako (Randja)

Harena sarobidy ho ahy
ny zanako sy ny taranako
beazina ara-tsaina, indrindra ny ara-panahy
handimby ahy, hitondra ny anarako

Tolorako aina, omeko fitiavana
hanariko izy ho tonga olom-banona
hahay miaina, hanaja havana
hisandratra avo tsy ankijanona

Ny ahy tsy mba zanaka tsy niriana
ka ndeha hatao ankilabao
io no anjarako dia omeko hafaliana
ny efa taman-trano tsy hasolo vaovao

Io zanako io no andriko rahatrizay
mendrika ho tiavina sy ho tohanana
mba hanandratra avo ny fianakavianay
hampitombo ireo harena sy fananana
--------