RANOMASO HO AN’I MAMA … - RAMANATANTARA

Azo vakiana?

RANOMASO HO AN’I MAMA …

"Matory tsy mifoha intsony"
"Lasana tsy miverina intsony"
Olombelona iza no tsy harary ?
Olombelona iza no tsy hitany ?
Ny tena nofo sy rà
No ‘njay migadona :
Maizina ny tontolo !
Ratra, ngidy, sedra,
Asa, misy mafy noho izany ?
Ranomaso tsy nisy :
Taolana maina avokoa !

***

Asa ny varatra raha mafy toy izany ?
Koa tankina hana tsy nahatomany !
Toy ny indray mipi-maso
Tsiaro ny teninao ry mama :
"Mahereza ianao fa zoky,
Ianao no soloko, mafy ianao !
Ampaherezo ny zandrinao".
Dia nihika aho hoe :
"Andriamanitra o ! Mamindra fo !
Andriamanitra o ! Vonjeo e !"

***

Toy anaty nofy aho
Nanao ireo adidy.
Ary fahagagana :
Niverina no aiko,
Nijoro aho kanefa
Latsa-dranomaso !
Koa mamelà
Iny ranomaso kely iny !

RAMANATANTARA, Antananarivo, 21/09/07
http://www.freewebs.com/ramanatantara

Hevitra mandeha

volana1 (13/03/2008 07:02:12)

Tena marina fa tsy mahatanty ny tena satria olombelona ary tena marary ilay maty reny, nefa zoky dia mila mijoro, mampahery antsika rehetra

Mombamomba

Mpanoratra : RAMANATANTARA

Nampiditra : ramatoabe
Daty : 15/11/2007
Mpamangy : 2187
Mankafy : 1

Tononkalo hafa

LAKANA NY AINA
TSY LAVITRA AHO, AKAIKINAO IHANY
RAMANATANTARA
FIAINANA
EKEKO SATRIA…
RAHA AZOKO NATAO...
MAMELA AHY VETIVETY,
AVELAO AHO HO ZAZA