LAKANA NY AINA - RAMANATANTARA

Azo vakiana?

LAKANA NY AINA

RY 2008, MIARAHABA ANAO NY LAKANAY !


Lakana ny aina
Mandalo vetivety,
Miserana ihany !
***
Lasana iny taona iny
Nisy mamy, mangidy
Tsy foy : teo Ianao,
Ianao ry neny !
***
Tsy adino ny anatrao,
Ny fotoana niarahana.
Manantena foana
N’inon’inona midona !
***
Na onja, na varatra,
Mianjady avokoa !
Mizotra mandroso,
Miaina, mijoro !
***
Lasana ianao ry 2007,
I Neny nentinao,
Izahay tsy kamboty
I Neny ato am-po !
***
Ny lakanay nilaozana
Mandray anao ry 2008.
Fiadanan’ilay Nahary
Mitohy manarona,
Mitafy Fitiavana !
RAMANATANTARA, Massy, 10/01/08

Mombamomba

Mpanoratra : RAMANATANTARA

Nampiditra : ramatoabe
Daty : 11/01/2008
Mpamangy : 1332
Mankafy : 0

Tononkalo hafa

RANOMASO HO AN’I MAMA …
TSY LAVITRA AHO, AKAIKINAO IHANY
RAMANATANTARA
FIAINANA
EKEKO SATRIA…
RAHA AZOKO NATAO...
MAMELA AHY VETIVETY,
AVELAO AHO HO ZAZA