EKEKO SATRIA… - RAMANATANTARA

Azo vakiana?

EKEKO SATRIA…

Ekeko satria
Ianao nahary,
Ianao nanome,
Ianao niaro,
Ianao no naka…
Niamboho anikeo,
Nody any aminao
I Neny…

***

Miverina aminao:
Ny asanay, ny momba anay,
Rehetra, rehetra !

***

Tsy misy anay :
Ny ainay, ny herinay,
Ny vatanay, ny zanakay,
Ny havanay, ny taninay…
Ny ray aman-dreninay,
Anao avokoa, avokoa…

***

Nomenao ary lasana
Ny reninay !

***

Dera ho Anao,
Mpahary ny Tontolo,
Tompon’ny Aina,
Tompon’ny Tompo,
Mpanjakan’ny Mpanjaka,
Andriamanitra lehibe,
Rain’i Jesoa Kristy
Tompo sy Mpamonjy.

***

Nody amin'ny FIADANANAO
Ny reny malalanay !

RAMANATANTARA, Mantes-La-Jolie, 15/09/07

Mombamomba

Mpanoratra : RAMANATANTARA

Nampiditra : ramatoabe
Daty : 14/11/2007
Mpamangy : 1355
Mankafy : 1

Tononkalo hafa

LAKANA NY AINA
RANOMASO HO AN’I MAMA …
TSY LAVITRA AHO, AKAIKINAO IHANY
RAMANATANTARA
FIAINANA
RAHA AZOKO NATAO...
MAMELA AHY VETIVETY,
AVELAO AHO HO ZAZA