Ary nihira aho (Randja Zanamihoatra)

Nantsain'i jantina
(Nalaina tao amin'ny vetso.serasera.org)
"Ahy ny malalako ary azy aho"
...Tononkira 2, 16


Tsy ny maraina maharavo na ny rado volamenany
Fa ny tapaka andro monja no voatokana honenany
Tsy ny hariva mahamanina ary koa ny tononkirany
Fa ny alina mangina no voahomana hidirany.

Tsy ny lapa soa mirenty saininao ho fanaperana
Na ny harena mahavita araka ny fiheverana
Tsy ireny velively no hasambaranao, Rahavako
Fa ny foko, dia ny foko, ilay tempolin'ny fitiavako.

Ilay fitiavana mahery tsy ho babon'ny mpihaza
Raha fo no mifangia na ny herim-pasana aza
Tsy hampiraika velively eo an-dalana fizorana
Mainka koa handrisika azy hanamafy ny fatorana.
--------
Rohy:
1792 4
Hametraka hevitra
Midira aloha
Momba ny tononkalo
Mpanoratra : Randja Zanamihoatra
Nampiditra : hery
Daty : 16/06/2020 15:03
Antsantononkalo
Nantsain'i jantina
© Eugene Heriniaina - serasera.org 1999 - 2024 - page load 0.0117