Hidy folo - Randja Zanamihoatra

Aza manana olon-tiana fa izaho ihany,
Aza manana endrika voarakitra ho anao,
Na avy amin'ny topimaso na ny vetsom-po mankany,
Na ny embona asampotiny ao anaty miafina ao.

Aza mitsiriritra, aza mijangajanga, aza manadino...
Dray ! Tsia : Aza mivoaboaka, aza mijerijery,
Aza saro-piaro, aza... ny eritreritra fihino,
Tsy hahalala, tsy handre afa-tsy ny feoko irery.

Tovinao ny sitrapoko sy ny adidy momba ahy,
Ireo rehetra ireo tsy maintsy tanterahanao daholo,
Ny hasambaranao kosa aza ananana ahiahy,
Fa efa vita manda mafy, efa vita hidy folo.

Saotra ! Teliko ry lala ! Indro kely anafarana :
Raha maty aho tompoko aza avoaka varavarana.
Zavatrao ny tenabeko ! Ary fara
Faniriako : halevina eo am-parafara.

Hametraka hevitra

Midira aloha

Mombamomba

Mpanoratra : Randja Zanamihoatra

Nampiditra : ikalamako
Daty : 05/11/2020
Mpamangy : 454
Mankafy : 1

Tononkalo hafa

Varavarana fidirana
Ary nihira aho
Mahatsiaro va ianao ?
Fifandraisana
Taratasy sy laoka
POETA
POETA SY NY HATSARANTAREHINY
Malagasy Mankany
Ireny Kintana
Eny, Alina