Mahatsiaro va ianao ? (Randja Zanamihoatra)
(Nalaina tao amin'ny vetso.serasera.org)
[Nihevitra ny andro fahiny aho.Sal. 77.5]
Eny, paohin’ny fotoana ny andro mamy sy baliaka ;
Ny alim-pito sy mangina, ary koa ny tenantsika
Nefa tsy ho tapitra eto ny maraina vaovao !
Eo am-pitsinjovana azy, " mahatsiaro va ianao" ?
Iry ny toerana fahiny !... eny, ilay niriariavana !
Ao ny fara vetso, angamba, no hierina fitiavana !
Iroa ny làlana fombana novakin’ilay nandao…
Ary raha miherika eny, « mahatsiaro va ianao ?
Oh ! Salamo anefa sisa ibitsihako ny fo
Fa tsy very ny amintsika na ho levona tokoa !
Voatahiriko ato izany, ao anaty miafina ao,
Ary raha fohaziko eto, "mahatsiaro ve ianao" ?
--------
Rohy:
https://vetso.serasera.org/tonokalo/ranja-zanamihoatra/mahatsiaro-va-ianao-
