FITAHINA (RASOA)

Raha ny lasa no hitodiana
Ka ny lalàna refesina
Dia mahatsiaro fitahiana
Izay no tsapako, azo raisina

Nanomboka t@ labozia
Ary ny laoka tsy misy hena
Ankehitriny feno ny lovia
Ny hazavana manjambena

Ny kilalao biriky
Tsy misy akory ny kodiarana
Ankehitriny ny ankizy
Mba mitovitovy @ ireo namany

Efitrano kelikely
Maimbo boana toa tsy zaka
Ankehitriny aho raha mijery
Toa mipetraka @ lapa

Marobe no naniry
Hiteraka sy hanan- janaka
Izaho Niangarany foana
Tsy hitaraina hoe vanaka

Raha resaka fitia
Notolorany aho raha nitady
Ankehitriny mbola fÿ
Mifaly aho fa nahazo azy

Firifiry no mitolefika
Nanantena ny andro anio
Isika mbola afa mihetsika
Miasa sy miriorio

"Kisendrasendra" hoy ianao
"Vintana" hoy ny mpilalao
Ho antsika izay mino
"Fitahiana" no nitsilo

RASOA
DESAMBRA 2012
--------