HIVONDRONA (RASOA)

Andeha isika hivondrona
Ka na ny rariny aza fisaka
Tsy hijanona ho dondrona
Tsy hanaiky ny hakisaka

Hampiasaina ny gazety
Ka hampangaina @ soratra
Izay zavatra tsy mety
Aoka izay ny hoe miforitra

Ary ny fahitalavitra
Sy izay haino aman- jery
Hilazana koa fa tsy avotra
Ny hevitra an-kiteritery

Apetaka @ rindrina
Aparitaka hiely
Mbola betsaka ireo mivindina
Isan' Andro voavely

Ho raiketina @ boky
Apetraka ho lalanà
Mba ho fanomezan- toky
@ ireo misalasala

Hikiakiaka, hitabataba
Tsy ho vizana ny tena
Ho tezitra sy hivazavaza
Mba tsy hisy tsindry hazo lena

Mbola maro no hamboarina
Vao hisy " fiainan- tsoa"
Tsy misy tsy azo ho takarina
Rehefa mivondrona ny loha

RASOA
DEC 2011
--------