MPANOFA (RASOA)

Mpanofa fotsiny aho
Amin'ity fahasambarana
Tsy mahatapak'hevitra
Na mitohy na mifarana
Ianao ihany koa
No tompon'ny fanalahidy
Ny famerana ny fepetra
Dia tsy ahy ny safidy
Raha sanatria aza aho
Tsy manaraka ny fifanarahana
Eo ny eo ihany hoy ianao
Dia hajanona tapahina
Ka na dia tiako aza
Ny mbola hialokaloka
Rehefa tsy mahaloa aho
Dia ho voaraoka tsy aharitra
Ka olon-kafa indray
No amoahanao ny fo
Fa izaho tamin'ny teo
Tsy nanaja nankatô

RASOA
SEPTAMBRA 2014
--------