NOMENAO AHY AVOKOA (Rasobakobako)

Nomenao ahy avokoa
Ny endrikao tena soa,
sy fofon’aina mahavelona
Ilay vady tia sy tiako koa,
nomenao ahy mba hamelona
izato vatako salama,
ireo dimbiko sy farako
ny talenta, fahalalana
ary ny asa fitadiavako
Ny sakafo izay haniko ,
sy ny akanjo itafiako
Ny entana ao anaty tranoko,
sy zay rehetra fandaniako
Ny famindramponao,
ny zanakao lahy tokana
Ny fanahy masinao,
ny fitahianao ahy manokana

Nomenao ahy daholo ireny
Sady mbola narahinao teny
“fa izaho momba anao,
mandrampihavin’ny fahataperan’izao tontolo izao”

Mpanoratra : Hary RASOAHOBY (pseudo : RASOBAKOBAKO)
--------