You are here: home > Vetso

TSY MISY MAHARESY ANAO - Rasobakobako

Azo vakiana?

Ireo lolom-po
Ny alahelo koa
Tsy maharesy anao

Itony adin-tsaina
Mandreraka ny aina
Tsy maharesy anao

Ny vola sy harena
Fananana sesehena
Tsy maharesy anao

Ny tsy fahampiana
Ny trosa, fahoriana
Tsy maharesy anao

Ny rehareha rehetra
Eboebo tsisy fetra
Tsy maharesy anao

Fiatsaram-belatsihy
Sy ny olona tsy tia
Tsy maharesy anao

Ny avonavom-po
Fanamarinan-tena koa
Tsy maharesy anao

Ny lainga tsara lahatra
Ny fitaka izay alahatra
Tsy maharesy anao

Ny sampy sy ny ody
Ny ozona ny tody
Tsy maharesy anao

Fahaizana, fahalalana
Fianarana, fahagagana
Tsy maharesy anao

Ny sampy sy ny joro
Ny razana sy kalanoro
Tsy maharesy anao

Ny fahoriana mianjady
Ny fitsapana sy ny ady
Tsy maharesy anao

Ny fakampanahy
Sy ireo ahiahy
Tsy maharesy anao

I satana mampimalo
ny devoly fahavalo
Tsy maharesy anao

Raha fintinina dia izao
Izao tontolo izao
Tsy misy maharesy anao

Mpanoratra : Hary RASOAHOBY (pseudo : RASOBAKOBAKO

Sokajy : Fiderana, Vavaka

Hametraka hevitra

Midira aloha

Mombamomba

Mpanoratra : Rasobakobako


Nampiditra : rasobakobako
Daty : 17/04/2009
Mpamangy : 990
Mankafy : 0

Tononkalo hafa

SATRIA MBOLA TIA
IZA MOA IZAY IZAHO ?
NY HANY ANGATAHINAO
IZAHO SY IANAO
NY HATSARANAO
NOMENAO AHY AVOKOA