Afeniko - Herizo ANDRIANITSIAHY RAVONJISON

Azo vakiana?

Fa raha vola aman-karena,
No lazaina ho fahasambarana.
Tsy miambo izaho milaza,
Hoe izaho no tena miadana.

Tonga lafatra raha ny tefiny,
Fakan-tahaka mihitsy.
Saingy indrisy,
Fa fitaka ireny.

Fa ao anaty tsikiko iny,
Lazaina tsy misy tsiny.
Ao no afeniko ny loko,
Lokon'ireo karazam-pijaliako.

Ao ambadiky ny akanjo,
No hitondrako ny manjo.
Sy ny fiferotan'aina.
Izay tsy tiako zaraina.

Toy izany koa ny fiara,
Ao no afenina ny ratra.
Ary ny tranobe no fasana,
Mandrotika ny nofoko isan'alina.

Ny vola no mba noheveriko ho namana,
Hahafahana mividy fahasambarana.
Indrisy fa izy no fototra.
Nanimba ny fiainako rehetra.

Tsy vatra ny hitantara ny alaheloko,
Indrindra fa ny tolona mafàna ato anatiko.
Ka aleoko fotsiny mangina, ao anaty no mifona.
Satria ahy ny fahadisoana.

Veloma, r'ilay vady malalako.

Nosoratan'i Herizo RAVONJISON ANDRIANITSIAHY

Hametraka hevitra

Midira aloha

Mombamomba

Mpanoratra : Herizo ANDRIANITSIAHY RAVONJISON

Nampiditra : zonytsiahy
Daty : 19/03/2019
Mpamangy : 336
Mankafy : 1

Tononkalo hafa

Paska minitra,
Kapoakan'i Jesosy
Rahafaliana
Hanomezo
Mamy aky ny tsikitsikin-dry
Vehivavy
Ny lalako
Totom-barim-bazimba
Ny tena mpanao tononkalo
Naka bahana