Ahy (Herizo Ravonjison Andrianitsiahy)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ho avy koa ny andro
Tsy ny sariny intsony
No orohako isan'andro, fa ny molotra atolony

Tsy ny volana ihany koa
No dinihina banjinina
Fa ny taniny ankiroa, izay atolony hamihina

Any andro tsy ho ela
Amin'ny alin'ny ririnina
Tsy hanafana tena irery, fa izy no fihinina

Any andro efa akaiky
Tsy hampionon-tena intsony
Fa izy hanafosafo, raha sendra tsy mitony

Any andro tsy ho irery
Fa hisy azy hihaino ny taraina
Hitondra teny mamy, hampilefy ny manaintaina

Ho avy ny andro tsy ho ela
Hilazako aminy, fa te hitantana ny tanany
Amin'ny androko rehetra raha tany koa ny tany

Andrianitsiahy
--------
Rohy:
563 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0105