MADAGASIKARA (Herizo Ravonjison Andrianitsiahy)

Madagasikarako!
ilay nomena ho ahy ho fananako,
nanombohana sy hiafaran'ny tantarako,
sy hapetrako ho lovan'ny taranako!

Eny,tanindrazako!
tany nihaviako!
malagasy,ianareo no havako!
hanoratako ny fitiavako!

Ry malagasy namana!
na any andrefana na antsinanana!
mpihavana isika,mifandraisa tanana!
ndao iray,na ory na manana!

Ety am-pamaranana,ho antsika!
Misy hafatra ity misoratra ho tantara!
tokana ny tany nihaviantsika:
Tiavo MADAGASIKARA,nosy tsara!
--------