Ny amiko ho anao (Herizo Ravonjison Andrianitsiahy)

Tanako, ho ahy irery ny fonao.
Fananako, izay rehetra momba anao.
Katsanako, izay manaratsy anao.
Faranako, ny toetra alanao.
_____
Fihiniko, izay voakasikao.
Mbanjiniko, izay rehetra sarinao.
Ampanginiko, izay mety hanimba anao.
Rindriniko, ho ahy irery ianao.
______
Ho tiaviko, izay rehetra tinao.
Holaviko, izay ankahalainao.
Hotadiaviko, izay maminao.
Hodiaviko, ny lalana tinendrinao.
_______
Omeko, izay ety amiko tinao.
Ekeko, izay rehetra voalahatrao.
Tereko, izay tsy manaiky anao.
Fefeko, ny foko ho anao.
--------