Ny lalako - Herizo Ravonjison Andrianitsiahy

Ny lalana hombako dia ny faharatsiana,
Be fahavalo tsy maintsy asiana.
Isan'izany tsy maintsy hiadiana,
Ny hakanosana sy ny fahakiviana.
.
Nefa tsy maintsy mizotra fa izany no didy,
Tsy maintsy misotro na dia hita mangidy.
Efa nofanina ka tsy an-kiantso tody,
Satria efa voaomana ny fanafody.
.
Ny lalana hombako dia be fahavalo,
Be rafy manohitra sy mampivalo.
Efa vonona hiady aho ka tsy maintsy mandalo,
Ka izay mitranga eo tsy hataoko hampimalo.
.
Efa voasedra aho ka maintsy mandia,
Voatery koa ka roso ny dia.
Tsy misy safidy ka tsy maintsy mitia,
Ny mitam-pody ihany no hatao sanatria.
.
Ny lalana hombako dia ny fahantrana,
Tanàna hanjakan'ny tsy fahalalana.
Be rendrarendra sy fahadalana,
Matahotra ihany aho fa tsy misy azo ialana.
.
Ataoko ampinga ny ny saina maranitra,
Hoentiko miaro ahy amin'ny tsipikan'ny rivotra.
Ataoko hirahira ny lokon'ny lanitra,
Tsy maintsy tafita aho fa mila miharitra.
.
Ny lalana hombako dia ny setrasetra.
Be vatovato sy tsilo mandratra,
Handeha amin'izany aho fa tsy afa-mihemotra.
Te hitomany aho fa tsy misy adi-varotra.
.
Tsy maintsy mizotra na hita fa hady,
Efa voasedra ka tsy maintsy mangady.
Ka na inona hidona na inona hianjady,
Manam-pinoana aho ka vonona hiady.
.
Hofikiriko mafy sy ataoko am-babena,
Ny sabatry ny hendry sy ny fanantenana.
Hihiaka mafy aho hoe : fandresena !
Raha vao tafiditry ny varavaran'ny fahasambarana.

.
Nosoratan'i Herizo RAVONJISON ANDRIANITSIAHY

Mombamomba

Mpanoratra : Herizo Ravonjison Andrianitsiahy

Nampiditra : zonytsiahy
Daty : 19/03/2019
Mpamangy : 744
Mankafy : 1

Tononkalo hafa

Aminy
Omeko anao daholo izay ts
Lafatra r'Iaina no fetra
Sanatria raha hisy
Avelao ho ahy ny lapan'ny fonao
Ahy
Ho avy ny andro
Ity ny teniko
VOASARIKA
Misy reny tsy miteny