Ny tena vehivavy toetra. (Herizo Ravonjison Andrianitsiahy)

Tsy ny bikanao manasondriana,
'Zay mampientam-panahy tsy iniana.
Tsy ny fipetsam-bavanao,
No hitsarana fa vehivavy ianao.
_____________
Tsy ny fidolanao fandeha,
Sy ny lamaody mampirehareha.
Tsy ny mety ahia, na atavy,
No mamaritra fa vehivavy.
_____________
Tsy ny fiakanjo manasa-pehy,
Sy ireo hosotra an-tarehy.
Tsy ireo fanaonao etsetra,
No maha vehivavy toetra:
______________
Fa ny tena vehivavy,
Ilay tena taratry ny hoavy.
Ilay be fihantra, be tomany,
Nefa tsy mitsoaka ady izany.
--------