Tomanin-tsakaiza - Herizo Ravonjison Andrianitsiahy

Azo vakiana?

Ny tomanin-tsakaiza tsy mba alahelo,
Fa tomanim-pitiavana alefan'ny hanina.
Sarihan'ny tsiahy izay mamelovelo,
Tonga eo amin'ny maso fa sarotra afenina.

Ny tomanin-tsakaiza tsy vesatra anaty.
Fa porofom-pitiavana tsy misy nenina.
Voaentan'ny tsara izay tsy mety maty,
Aseho amin'ny maso fa tsy misy pentina.

Ny tomanin-tsakaiza tsy mba fitsetra,
Satria hafaliana tsy zaka bataina.
Tsy nanana ny ampy fa sakaiza mpisedra,
Izay azony teo dia nifampizaraina.

Ny tomanin-tsakaiza tsy tomanin'adala,
Fa tomanim-baholana mahita ny hatao.
Tsy mba misy nenina ka atahorana hiala,
Ô... Fitiavana izany raha tsy fantatrao...

Mombamomba

Mpanoratra : Herizo Ravonjison Andrianitsiahy

Nampiditra : zonytsiahy
Daty : 18/10/2022
Mpamangy : 166
Mankafy : 0

Tononkalo hafa

Tiako ka tsy ariako, Na l
VIMBINO RE NY FOKO
Aminy
Omeko anao daholo izay ts
Sanatria raha hisy
Avelao ho ahy ny lapan'ny fonao
Ahy
Ho avy ny andro
Ity ny teniko
VOASARIKA