Voninkazo (Herizo Ravonjison Andrianitsiahy)

Ilay fitiavana anao ato am-poko,
izay tsy hihofo,tsy hiova loko,
na andro maina tsy halazo,
kolokoloina satria voninkazo!

Voninkazom-pifaliana,
izany ilay izy r'ilay tiana!
tsy hamidy tsy atakalo,
sarobidy hitoetra fa tsy handalo!

Tsy mba ho faty,
na sanatria,ho karakaina
tondrahako hatrany anaty,
ilay voninkazo tsy hay tohaina!
--------