NY ASAN' NY TANAKO (RIJADOLLY)

Mbola tsisy niantsa

Hangataka antsa
(Nalaina tao amin'ny vetso.serasera.org)
NY ASAN' NY TANAKO

Ny asan'tanako mamafy fasoavana
Namana, rahalahy, ho an' ny havana
Manao asa soa ho voninahitrao
Tsy misy safidy fa irakao

Ny asan' ny tanako ho an'ny mpanararaotra
Omena tsy tapaka ho an' ireo mody misaotra
Nasehoko fatratra fa tsy manam-paharerahana
Tsy misy safidy fa natao ho fiarahana

Ny asan' ny tanako izay toa mahagaga
Nataoko am-po toy ny asan' ny zaza
Tsy hita ho refesina hatraiza ny sarany
Tsy misy safidy fa toa mamy am-parany

Ny asan' ny tanako natao ho tsinotsinona
Foiko ho zaraina, tsy haiko nofihinina
Nitobaka avokoa izay rehetra ato anatiko
Tsy misy safidy fa hatramin'ny voafantiko

Ny asan' ny tanako ho porofom_pitia
Natao hankahalain' ireo izay tsy tia
Manampy nefa toa maha sorena
Tsy misy safidy tsy maintsy omena

Ny asan'ny tanako tsy ratsy tsy tsara
Ny manodidina dia samy mahazo ny anjara
Tsy fantatro hoe inona ny antony marina
Tsy misy safidy fa ny TOMPOKO no sariny

DOLLY (2007)
--------
Rohy:
1674 1
Mpakafy: rijadolly
Hametraka hevitra
Midira aloha
Momba ny tononkalo
Mpanoratra : RIJADOLLY
Nampiditra : rijadolly
Daty : 25/01/2011 19:41
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0121