ROTIKA (RIJADOLLY)
Mbola tsisy niantsa
(Nalaina tao amin'ny vetso.serasera.org)
ROTIKAAto anaty alina mangina
Tsy eo anilan’olotiana
No mandefa ny fisainana
Mba hiantefan’ny fitarainana
Tsy afaka hamitra halahelo
Ny fahatsiarovana mamelovelo
Tambitamby nofinofy
Ny mandrotika ny nofo
Sentosento sesilany
Tsy tamby isaina ny vinany
Ka nanindrona ny fo
Mahavaky ny ati-doha
Ranomaso mitete
Iza moa no hiantra é!
Mirotsaka mangina
Ny halahelo tsy nirina
Onda-kotsan-dranomaso
Izay mirotsaka tsy miato
No mba any hofihinina
Mba fitia toy inona
Ny maso mipitrapitra
Ny fitia tsy misy hamitra
Ny saina mila adala
Ny fitia mankahala
Tena tsy misy hantenaina
Mba hampitony izany saina
Ny ankanjo rovindrovitra
Izany fo mihovitrovitra
Ny AKO izay miserana
BITSIBITSIKA tsy ferana
Ny mampihonina ny fo
Dia tsy maintsy izay aloha
Dolly
--------
Rohy:
Sokajy :
Fisarahana
Mpakafy:
rijadolly
Hevitra mandeha
harisanda
(
10/09/2007 07:56)
ntso o!nilaozany nga?
rijadolly
(
20/09/2007 20:51)
marihana fa misy dikany ilay AKO sy BITSIBITSIKA fa tsy dia ilay fanaintainana toe ampisarahana ny tiana asongadina.Mila mihaino ilay Mpanome fihononana raha tojo tahaka izao.rijadolly ihany
sejianis
(
22/09/2007 14:39)
merci rijadolly