Malok'ila (roland savio rafanomezantsoa)

Mbola tsisy niantsa

Hangataka antsa
(Nalaina tao amin'ny vetso.serasera.org)
Efa madiva ny ho dify
'lay masoandro mena fify
Ka ny hazavana manjopiaka
Hodimbiasana haizim-pito
Izay no fiainana eto an-tany
Haizim-pito sy hazavana
Mifandimby tsy hay resena
Ny tantely sy tangena
Mantsy raha mety ny atao
Haravoana sesilany
Fa raha ho avy ilay tsy mety
Na iray segondra aza tomany
Ny ray sy reny izay nitaiza
Tsy eto intsony fa nakaiza?
Ao am-pasana mangina
Izay tsy azonao vangina
Ilay masoandro nantenaina
Efa takona any ho any
Irony lakana nitana
Indrisy rendrika tsy tana
12-10-2016
--------
Rohy:
Sokajy : Aingam-panahy
970 4
Hametraka hevitra
Midira aloha
Momba ny tononkalo
Mpanoratra : roland savio rafanomezantsoa
Nampiditra : roland_savio
Daty : 20/11/2018 09:50
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0099