TANTARA FOHY (Ryana)
Mbola tsisy niantsa
(Nalaina tao amin'ny vetso.serasera.org)
TANTARA FOHYTantara fohy dia fohy...
Indray mpi-maso monja dia lasa sy nihelina
Toa tselatra ihany;
Tantara tsy nitohy,
Tsy hita hoandrandraina hipody na hiverina,
Nefa namela mamy.
Sombin-tononkira...
Tsy nisy akory andininy, na koa fiverenana
Fa teny vitsy monja;
Ritsoka an-dakira,
Tsy sarotra tononina, ary ny ako izay navelany
Mandrotsy toy ny onja.
Tapaka tantara...
Tonga tam'zao, tsy hay ny niandohàny
Fa maloka ity farany;
Satria fitia voarara
Ny azy sy ny anao, ka any am-parany any,
Tsiaro no ho anarany!
Ryana
(02/08/06)
--------
Rohy:
Sokajy :
Fitiavana - Fahatsiarovana
Hevitra mandeha
pissoa
(
06/09/2007 16:59)
Tsara be !
Mankasitraka hatrany Ryana, ankafiziko tokoa ny tononkalonao.
Mankasitraka hatrany Ryana, ankafiziko tokoa ny tononkalonao.
Ryana
(
07/03/2008 22:43)
Misaotra an'i Pissoa!