TSY HAIKO INTSONY... - Ryana

Azo vakiana?

TSY HAIKO INTSONY…

Ireny nofy sy vinany nandravaka ny alina,
Nakariko mazàna;
Ny tahotro mavàny, satria saraka aho ka manina,
Nanahy fiafaràna;

Ny hafaliana lalina, nipololotra tsy hay notànana,
Fa feno sy afa-po;
Ireny didy nahafanina, nametra sy namefy làlana,
Nandrara tsy ho iray ny roa;

Ny anton’ireo tsikiko, ny loharanom-pahasambarako,
Ny anton’ny fanantenàko;
Hatramin’ny anton’ny fisiako, ny lasako sy ny tantarako,
Ny làlana izay hiafaràko…

    Ireo rehetra ireo ry tiako, nony injay ianao niserana
    Dia voafafa sady foana;
    K’izaho manohy izato diako, tsy haiko izay mba ianteherana,
    Tsy haiko intsony hoe nahoana…

Ryana
(06/10/08)

Hevitra mandeha

fahamarinana (27/05/2009 08:31:57)

Tena kanto koa raha kanto ny rehetra soratanao sy voavakiko ,hatreto aloha ,satria izao vao naka fotoana namakiana ny tonokalonao rehetra ! Misaotra fa tena mapietsi-po e!!

Hametraka hevitra

Midira aloha

Mombamomba

Mpanoratra : Ryana

Nampiditra : Ryana
Daty : 07/10/2008
Mpamangy : 3046
Mankafy : 4

Tononkalo hafa

MBA LAZAO AZY
HOY IANAO...
MANDALO IHANY (nadika avy tamin'ny “Ça passe”)
NANJARY TIAKO
NANJARY NEKEKO
ISAO TOERANA AHO (nadika avy tamin'ny "Fais-moi une place")
TIANY, HONO, AHO...
NY HERIKO
RAHA HO AVY
AZAFADY