You are here: home > Vetso

Sain-davitra - saoly

Azo vakiana?

Raha tsapanao mandreraka
ny hazakazaky ny tany
ka manomboka mahafanina
ny fihodiny isan'andro,

Mijanóna kely hilaozany
ny hariva maty masoandro
fa alefako haka anao
ny vola-tsinankerinandro
rehef'izahay azon-dohan-tory.

Hitondra anao an'habaka,
Hitazan-davitra tsy hiamboho,
ny hazavana sy ny haizina
nifampizaratsika mitovy.

Dia manisà efatra ambin'ny folo
mandra-pifamadi-toerana
ny voataratra amin'ny aloka
Eo ianao no miandry ahy
Fa efa lalako ihany iny.

Mombamomba

Mpanoratra : saoly

Nampiditra : lemady
Daty : 19/03/2021
Mpamangy : 180
Mankafy : 0

Tononkalo hafa

Fara-hafatra
Ilay toakako
Tokim-pitiavana (extrait)
Natao ho an'iza
I kala anona
Ry tsy hita