Averina indray - SARONDRAHONA RAMBOLAMANANA

AVERINA INDRAY


Ianao mahalala na tsy hotantaraiko
Ilay ora mangidy,
Toa tranga tsy fino !
Leferina fotsiny ny adin’ny saiko,
Terena hanadino,
Zava –tsy zaka !
Ohary amin’ny hoe :
Vony nitsimoka, namaky ravina,
Nongotana faka,
Dia taiza no farany ?
Nandry tam –benja
Amin’ny valan –katsiaka
Fa narindrinao ilay varavarany !


Ianao mahalala, ary tokony hangoraka,
Fa ny ahy tsy safidy,
Ianao tiana niala,
Ka any amin’iza moa no hiantoraka
Sy hiadaladala ?
Na taiza, na taiza,
Dia niezaka foana mba nanary dia
Izay very sakaiza !
Ka inona moa ?
Tsy aleo ve hody amin’ny laoniny isika,
Hiombom –pitia
Fa ianao no taloha e ?



SARONDRAHONA RAMBOLAMANANA ( 033 14 253 57)
Faribolana SANDRATRA Antananarivo
MANANKASINA- BETATAO/ Anjozorobe, faha 20 Aogositra 2003

Hametraka hevitra

Midira aloha

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 23/07/2004
Mpamangy : 881
Mankafy : 1

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY