Rehefa...tsy lasa - SARONDRAHONA RAMBOLAMANANA

Azo vakiana?

REHEFA…TSY LASA

Tsy nisy nilaza… tsy nisy naheno
Nefa dia samy efa fantatr’i FENO

Manodina foana ry zareo any,
Manodina baolina ho any an –dakira !
Manodina ngonina ho any amin’ny hira !
Manova ny lanitra ho tonga tany,
Manodina foana ry zareo any!
Ka angamba ny antsika tsy hatao resa –be:
“Tsarovy ihany ny tany niaviana
Rehefa tsy lany ho VINANTONY ise !”

Manodina foana ny havanareo !
Manodina ny andro hiteraka orana !
Manodina hady ho lalan –kizorana;
Miandry ahy hitsotra, ho “resy” sy “leo !”
Manodina foana ny havanareo.
Nefa ny teniko, izaho efa handeha,
Dia hoe : “mba tsarovy ny nahabotrabotra
Rehefa tsy lany ho ZAODAHINY ise !”

Lasa àry aho fa izay no nandrasany :
Lasa amin’ny tohin’ny tolona indray !
Lasa amin’ny ady fanao hatrizay !
Fa any amin’ise moa no lalan’ny sasany.
Lasa àry aho fa izay no nandrasany !
Nefa averiko ihany ny hoe :
“Tsarovy ihany ny fihavanantsika
Raha sendra tsy tody amin’ny tanjony ise !”

Ny ahy eritreritra toy ny mahazatra:
Ny voro –manidinareo hosamborina !
Ny todim –pitiavanareo hitangorona !
Saingy ny zavatra mahavaky tratra,
Dia ny any aminy mihitsy no mihoatra ny fatra.
Kanefa tsy tsiniko ZOKY , raha hoe :
“Meteza ihany ho ANIROTRA aty
Raha sendra tsy iray fasana aminy ise !”

Tsy fomban’i FENO ny hoe kasakasa
Fa rehefa handeha izy, tsy maintsy lasa



SARONDRAHONA RAMBOLAMANANA ( 033 14 253 57)
DO.COM.CYBER- Ankadifotsy, Antananarivo, faha 20 Jolay 2004
Faribolana SANDATRA - Antananarivo

Hametraka hevitra

Midira aloha

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 11/08/2004
Mpamangy : 1125
Mankafy : 1

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY