Teraka - SARONDRAHONA RAMBOLAMANANA

Azo vakiana?

TERAKA (Ho an’ny TAFARAY rehetra, Faritra AMBATOMANOINA)

Tena sarotra hadinoina
Ireny lasantsika ireny,
Tsy arakaraky ny omaly !
Sary tena manana aina
Eo imason’ny tantara
Sy ny vitrana mihaona !
Tsy nahamainty ny molaly
Izay nololohavintsika
Nifamoizana aman –taona.
Fa mitraka izao ny teny,
Lasa hirahiran –tsaina…
Satritsika tsy hizara !

Fa ny fiombonantsika
No lasa hery vaovao
Hampiaina fihavanana
Sy hampody ny taloha
Ka ho aina ankehitriny !
Tsy maintsy isika ihany aloha
No mitambatra ho mpinamana
Sy miara –milalao
Vao handroso ny vahiny !
Tsy maintsy isika ihany koa
No hiara –hamakivaky
Amin’iny lalana iny…

Fa tsaroako foana ianao
Tototry ny tabataba
Sy fahanginana mahalana !
Dia tsaroako koa ianao
Jaky mena , nihoson –jofo
Sady mbola very lalana !
Indrindra ianao rehefa hody :
Malahelohelo tava
Sy entin –tsento mitambalana;
Toy ny very fanafody !

SARONDRAHONA RAMBOLAMANANA ( 033 14 253 57)
06 Aprily 2003
Faribolana SANDRATRA Antananarivo

Hametraka hevitra

Midira aloha

Mombamomba

Mpanoratra : SARONDRAHONA RAMBOLAMANANA

Nampiditra : sarondrahona
Daty : 09/07/2004
Mpamangy : 1358
Mankafy : 1

Tononkalo hafa

TSY TONGA VOLANA
SOAMAHAMANINA
MIASA ALINA
HAZONOELY 2012
VITSY
HOY IZY ANONA
AOKA ALOHA
FAMERINY
SETRINY ( Valin'ny HAFATR° i R A D O)
MIANDRY