Toroka (SARONDRAHONA RAMBOLAMANANA)

Mbola tsisy niantsa

Hangataka antsa
(Nalaina tao amin'ny vetso.serasera.org)
TOROKA

Tsy haiko Ramose, fa ilay madama iny
Dia tiako homena tsiny !
Fa hatramin’ny herintaona izy no toa hafahafa
Raha izaho no mitafa
Sy mba manontany, dia… zara raha mamaly
Sy hita hoe : “TSY FALY”
Ka tsy haiko Ramose, fa ilay madama iny
Dia tiako homena tsiny !

Tsy haiko koa na izaho, no halany fa malina
Sy tia mandalindalina;
Ka sao hitovy aminy ny fantatro sy ny haiko,
Nefa …asa… tsy haiko !!!
Fa rehefa izaho no resy, dia hainy manakora,
Fosainy moramora;
Ka tsy haiko koa na izaho no halany fa malina
Sy tia mandalindalina !!!

Izao raha miditra izy, dia tsy miteny gasy
Mankato an-dakilasy,
Ny fampianarany aza toa tsy mazava intsony
Fa zary lasa ambony;
Dia mino izy angamba, fa tsotsora-kay
Satria maharesy anay…
Ka izao raha miditra izy, dia tsy miteny gasy
Mankato an –dakilasy

SARONDRAHONA RAMBOLAMANANA ( Tél: 033 14 253 57)
Faribola SANDRATRA Antananarivo
In- TANAN-DAVA
--------
Rohy:
Sokajy : Alahelo
1070 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0105