MPITOLONA (Solofomanjato)

Mbola tsisy niantsa

Hangataka antsa
(Nalaina tao amin'ny vetso.serasera.org)
MPITOLONA


Misy ireo mitolona ho an’ny tanindrazany
Somampimampy rà  ny ketron’ny hidivazany
Misy ireo mitolona ho an’ny fahafahana
Hamahana ny fatoram-pangejan’ny fanjanahana
Misy ireo mitolona mba ho fahatratrarany
Ny kirin’ny herim-po hanakatra ny tsarany
Misy ireo mitolona hampiadana finaritra
Ho an’ilay malalany, ka vonona ny hiaritra

Misy ireo mitolona amin’ny fahafatesana
Tsy te hisanda ny ainy ho an’ny tsy hay refesina
Misy ireo mitolona sy miady amin’ny fo
Hanandra-piderana an’Andriamanitra tsy toha
Misy ireo mitolona mba hanjakan’ny rariny
Fa mivandravandra loatra ity kisarintsariny
Misy ireo mitolona hisian’ny zo mitovy
Hikoa ny zara vilana na an-jovy na ho zovy

Misy ireo mitolona amin’ny fahantrany
Tofezaka sy refon’ny mosary tsisy fiafarà ny
Misy ireo mitolona f’efa voky tafahoatra
Nefa tsy mety afa-po fa mbola satry handoatra
Misy ireo mitolona ho amin’izay hataina
F’efa jifa omaly ilay sosoa anio maraina
Misy ireo mitolona amin’ny adin-tsainy
F’ireto harem-bevava toa hanambà ka ny aina

Misy ireo mitolona ho ilay tena tianao
Fa singam-boam-pasika amin’izao tontolo izao
Misy ireo mitolona any amin’ny tena ady
Ho soron’ito taniny, toa hitany sahady.


SOLOFOMANJATO
--------
Rohy:
1216 2
Mpakafy: benasy - accolade
Hevitra mandeha
accolade ( 08/05/2009 14:32)
Aza adinoina, fa misy ireo mitolona mba hanitsahana azy... Misy koa ireo mitolona mba hofahanan-dalitra !!!
Hametraka hevitra
Midira aloha
Momba ny tononkalo
Mpanoratra : Solofomanjato
Nampiditra : benasy
Daty : 05/05/2009 14:00
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0145