TONONKIRA MOANA (Sunny)
Mbola tsisy niantsa
(Nalaina tao amin'ny vetso.serasera.org)
Ry tsara tarehiko:ny foko raha mitepo
dia tsy mitepo amin'izao
fa mitepo FITIAVANA
mitepo ho anao
Ry voromailalako:
ny vavako raha mihira
dia tsy mihira fahatany
fa mihira FITIAVANA
mihira FITIA sy ny hatsarany
Ry mamiko indrindra:
'zaho raha mihira
dia hafa ny tonony:
tonony mangina fongarin'ny foko,
tonony moana kanefa miteny!
Ry hajam-pitiavako:
'zaho raha mivavaka
dia vavaka ho anao,
vavaka ho antsika,
vavaka fohy ho an'ny tsy tia antsika!
--------
Rohy:
Sokajy :
Fitiavana