FIFIDIANANA - Teboka Telo

Azo vakiana?

Ny fifidianana, toa andro fety
Isongadinan'ireo be malety;
Mpaka artista soa sy vedety
Ka amoahana sary izay mirentirenty
Amin'ny tele sy ao anaty gazety!

Fa io fifidianana io koa mety
ho andro mihiratr'ho anay vetivety:
Fizarana ankanjo s'ireo kasikety
Ho enti-midola sy enti-mitety
Analakely k'hatreo Besarety!

Fa io fifidianana io, vetivety:
Mandrongatra ady, toa any Kaoety...
Izay bebe vava, avy hatrany, voagety
Na koa, samborina toa an-dr'i Pety,
Ka any am-ponja no manao fety!

Io fifidianana io ry Zanety
Tsy ifotetahana toa taingim-borety!
Fa ny tena tsara sy ny metimety:
Ny saina ampiasaina hanan-danja sy venty
Sao ny omby indray no aorian'ny sarety!

Hevitra mandeha

rado_albert (03/11/2018 03:18:32)

ok

Hametraka hevitra

Midira aloha

Mombamomba

Mpanoratra : Teboka Telo

Nampiditra : kalonantitra
Daty : 31/10/2018
Mpamangy : 585
Mankafy : 1

Tononkalo hafa

VAVAKA
NY VEHIVAVY
SITRAN-TSY MIODY
EMBONA SY TO!
FOFONA RE ZAO!!!
TSY MANDRY NY TANY
SINA!
SAMBATRA, ENY, SAMBATRA!
ZANAKO
AOK'IZAY