TAKARIVARIVA INDRAY - Teboka Telo

Ritsodritsoka valiha sy kalokalo an-gitara,
Karantsanina kabaosy sy kiririokana farara;
Arahin-dihy gasigasy milantolanto an-takariva
No handraikana indray ny loha, mamatonalina madiva!

Dia samy revo, varimbarin'ny vazovazo feno angola;
Samy roboka niangaly, samy rebika nidola!
Toa volom-boron'entinketin-drivodrivotra mandalo;
Zary ngolingoly anaty, mangorintsin'halohalo!

Tsy tsaroana kely akory ny hitsakitsaky ny nara,
Ny hirifirina hatsiaka sy setrasetrana fanala, ...
Fa vao mainka dorodoron'hafanana tsy hay fiaviana!

Tsy tandrintandry kely akory ny hodim-pamantaran'ora,
F'akorisadrisany eny, hanakataka-petra mora
F'efa hisasak'eny ny alina, hitsaharana, hodiana!

Teboka Telo

Hevitra mandeha

KALONANTITRA (07/08/2020 04:30:48)

Mba manadrana mivetso itony "Romantika" itony e

Hametraka hevitra

Midira aloha

Mombamomba

Mpanoratra : Teboka Telo

Nampiditra : KALONANTITRA
Daty : 06/08/2020
Mpamangy : 249
Mankafy : 1

Tononkalo hafa

VAVAKA
NY VEHIVAVY
FIFIDIANANA
SITRAN-TSY MIODY
EMBONA SY TO!
FOFONA RE ZAO!!!
TSY MANDRY NY TANY
SINA!
SAMBATRA, ENY, SAMBATRA!
ZANAKO