"Maitso ahitra?" (Tix ManiA)

Tazako fa soamaravo
ny eny an-tsaha manopy mavo.
Miramirana ny ankizy
fa tafahoatra ny krizy.

Kanjo tampoka, miserana;
ranomaso tsy laitra ferana
no mamonto 'zato tava.
Moa tsy samy vaky vava!

Lahatra àry sa anjara?
Sao voasoratra hamarara?
Sa kosa tandrifin-drahona,
mandalo ihany; tsy mialona.

Volana inona àry ity?
Toa orana mivatravatra.
Ola-maro maharatra.
Volana inona àry ity?

Ny voaary efa mitsiry.
Ny olona anefa kivy.
Volana manomban-dratsy
noho ny olana tsy satry.
--------