"Ho an'ny malalako" (Tix ManiA)

Sorisory no mameno!
Ranomaso sy alahelo.
Ity maso aza bongo
mifantoka ny trano bongo.

Aiza 'zany lasantsika e?
Zary nofy sisa ireny.
Toa voronkely mangatsiaka
hany tazana eny ho eny.

Ve tsy tany karankaina
no manoloana vao maraina?
Dray, ry nosiko malala,
foana, ts'isy mpahalala.

Harena? anjara tsara.
Haiko ianao, ry Gasikara.
Rotika sy ravarava.
Izao ka taizan'ady lava.

Rahoviana ianao hiverina?
Tsapako aho fa latsa-nenina.
Tsy ny fitandrovako...
Doro, may teo 'lay rovako.
--------