GASIKARAKO HO AIZA? (Tsanta MIKANTO)
(Nalaina tao amin'ny vetso.serasera.org)
GASIKARAKO HO AIZA ?Iarivoko rahampitso, Gasikarako mankaiza,
Toa nofo iray masiso, toa zaza ratsy taiza
Lotoin’ireo mpioty, mpaka tsy namboly
Ny mitondra anao ? toa ataony ala voly !!
Ohatra itony,tena mahangoly…
HOE …
Aloka mandifotra, trànga iray tsy ekena
Manarona ny nosy, mambotry firenena
Nefa toa manaranaka, hita hatreny an-tsena
Indrisy mampahory, irony KOLIKOLY !!
Valala, hanoanana, traboina no manjaka
Raha fahantrana dia Gasikara tompon-daka,
Rahoviana vao mba hisy, hisy hanetri-tena,
Mba tena hampandroso ho kiadim-pirenena,
Ka tsy hameno paosy, hivarotra ANDRAMENA
Fa hampijoro tsara ity nosy iray mivena !
Nampiasainy ny tehina mba hamitahany ny jamba
Mody omena ireo fitaovana, nizarany lamba,
Dia injao notambazany tamin’ny « androany monja »
Nefa indrisy izao ny fiainana, toa toy ny any am-ponja !
Tsanta MIkANTO (MARS 2015) Mbola hitohy…
--------
Rohy:
