Raosy Jamba (tsiolaka)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raosy jamba efa tena jamba oh
Fa angaha mahita ianao ?
Ndeha savasavao zao ny fotony
Sao mpihindrana, ary tsy tompony

Fantaro ny tany haniriany
Dia jereo koa ny fototra hiaviany
Tazanao ve ny loko hitafiany
Sy ny rijan’ny kalo hiangaliany

Raosy jamba efa tena jamba oh
Angaha mahavita ianao ?
Savao indray koa heo ny raviny
Dia fantaro ny kianja nodiaviny

Hitanao ve ny haba amin’ny tanany
Sy ny rado am-bozonan’ny zanany ?
Raha mitrebona koa ny taranany
Ho tapakao ve ny tehina an-tanany ?

Raosy jamba mbola tena jamba oh
Raha mahita ianao
Dia amarino ny lalan-kizorana
Sao ny hakevohana no hifatorana
--------
Rohy:
Sokajy : Aingam-panahy
24 0
Hametraka hevitra
Midira aloha
Momba ny tononkalo
Mpanoratra : tsiolaka
Nampiditra : tsiolaka
Daty : 10/06/2024 13:55
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0795