Rongatra (tsiolaka)

trahotrahon'orana manamban-taika an-tafotrano
an-takariva sinan'alakaosy rava volana
nieloelo tamba-drahona mikisarina fanano
namohafoha ny vinany ndeha handingana tokonana

... moa va tsy toy ny Zaza manin-dotso (n'ny) nonon-dreny

Andrefan-danitro indray antokon-kitan-jepizepy
mampiara-peo mahalana amin'ny doboky ny fò
vavahadim-bahin-danitra,telo(noho)refy tsara tefy
ambenan-diona masiaka amin-daniny ankiroa

... moa va tsy topimason'ilay manina te ho eny

Ravak'hiran'ny fantara mitsivaka helatra miriotra
manintera-jana-javatra miakotso diadema
vaikan'hararetran'onja natambolin'ny tafiotra
leliky ny fahatsiarovana miporipory fahendrena
... fò rivotra,afo,rano,tany lenan-dio mitaramena
--------