Tamin'ireny (tsiolaka)

tamin'ireny aho mbola very raika
tsy nahatsiaro izay oran-ko ho avy
ka na dia nigoka ny ngidy mafaitra
dia vao kinopaka dia indro fa avy

tamin'ireny aho tena mbola niliaka
tsy nahatsiaro masoandro nihilana
voasodokan'ny tarehy amam-bika
ka solafaka tam-pandronjinana

tamin'ireny mbola adala sy kentrina
norendreham-pamindra midanoka
sondrian-dravoravo natentina
sy filoditra mahatama-mianoka

tamin'ireny aho...! fa izao efa taitra
koa aza itsahina hariva ny lambako
ndrao hanotretrika hanata-jaitra
somaradimbana ho potra-tsy tanako
--------