Tatamo (tsiolaka)
Mbola tsisy niantsa
(Nalaina tao amin'ny vetso.serasera.org)
Tatamo anie aho ka tatamo,Tatamo amparihin-dRasahala
Sahy midola eny anivon-drano
Toa angetsan'ny toka-malala.
Fa haingon'ny rano maria
Fitosian'ny vorona Anosy
Finaretan'ny mpifankatia
Fiangotian'ny rivo-mpitosy
Mpanainga fanahy hiampita
Hilaza fitia tonga fatra
Tononkiran'ilay Solemita,
Sasin-kira fanaon'ny mpanjaka
Tatamo anie aho ka Tatamo,
Firentin'ny dobon'andriana
Miendri-po mifangia te himamo
Voninkazon'ny tia sy ny tiana.
Miakotso hatsarana mamiratra
Mianjaika sy meva filatro
Fatratra no sady lilatra
Mahasarika, manaitra maso
Tatamo Ilay miavaka anarana
Manan-toetra ,fanahy kanto loatra
Ny marina ! ...ianao Ilay niangarana
Tinefy hatsaran-tsara voatra
--------
Rohy:
Sokajy :
Aingam-panahy
Mpakafy:
tsiolaka
